The British Journal of Psychology сэтгүүлээс явуулсан нэгэн сонирхолтой судалгааны дүнг та бүхэнд танилцуулж байна. Тус судалгааны зорилго нь хүний оюун ухааны чадвар нь хүмүүстэй харилцах, харилцаанд хэрхэн нөлөөлдөг тухай судлах байсан юм. Нэг ёсондоо хүний найз нөхөд, гэр бүлийнхэн нь хүмүүст хэрхэн нөлөөлдөг тухай судалжээ.

Судалгааны өмнө хотод амьдардаг иргэд хөдөө, орон нутагт амьдардаг иргэдээс илүү аз жаргалтай байдаг хэмээн үзэж байжээ. Учир нь хотод хүмүүс хоорондоо илүү их харилцана. Тэд гэр бүл, найз нөхөдтэйгээ уулзахын тулд их зам явах шаардлагагүй. Ойр дотнын хүмүүстэйгээ их цаг зарцуулах учир илүү аз жаргалтай байна гэж тооцжээ.

Судалгаанд 18-28 насны нийт 15 мянган хүн хамрагдсан байна. Судалгааны дүнд эрдэмтдийн таамаглал нотлогдож, хүн хэдий чинээ бусадтай харилцана, төдий чинээ аз жаргалтай байдаг нь тодорхой болсон байна. Гэтэл судалгааны явцад бас нэгэн сонирхолтой дүн гарчээ. Өндөр оюун ухааны чадвартай буюу ухаантай хүмүүс ганцаараа байхдаа илүү аз жаргалтай байдаг гэсэн дүн гарчээ. Ийм хүмүүс найз нөхөд болон ойр дотнынхонтойгоо уулзаж байхдаа уйдаж, сэтгэл нь шаналж эхэлдэг байна.

Кэрол Грэм хэмээх өөр нэгэн судлаач үүнийг дараах байдлаар тайлбарлалаа:

Өндөр оюун ухааны чадвартай хүмүүс өөрийн цагаа илүү үр дүнтэй зарцуулахыг хүсдэг. Тэд урт хугацаанд ашиг авчрах том хэмжээний асуудал, бэрхшээлийг шийдэх үедээ л аз жаргалыг мэдэрдэг байна. Тийм учраас өдөр тутмын энгийн харилцаанаас илүү тулгамдаж буй асуудлыг шийдэхийг хүсдэг болох нь тогтоогджээ. Ийм хүмүүсийн хувьд найз нөхөдтэйгээ уулзах нь уйтгартай санагддаг байна. Тэд бол хэцүү даалгавар гүйцэтгэх дуртай, үүнийгээ сайн гүйцэтгэж чаддаг ч, хүмүүстэй харилцахдаа маруухан хүмүүс юм. Тэд бусдад өөрийгөө ойлгуулж чаддаггүй учир, танилын хүрээгээ тэлэхийг хүсдэггүй байна.

Бразилын алдарт хөлбөмбөгчин Неймар Монголын сумоч Ёкозүна Харумафүжи Бямбадоржийн үнэнч хөгжөөн дэмжигч гэнэ.

Неймар (бүтэн нэр – Неймар да Силва Сантос Жуниор, 1992.02.05-нд мэндэлсэн, Можи-дас-Крузис, Сан-Паулу муж, Бразил) – Бразилын хөлбөмбөгчин, “Барселона” клуб болон Бразилын үндэсний шигшээ багийн довтлогч, 2016 оны Олимпийн аварга.

Неймар дэлхий даяар хэдэх арван мянга биш, бүр хэдэн саяаар хэмжигдэх олон шүтэн бишрэгчтэй. Тэгвэл нэртэй хөлбөмбөгчинд ч өөрийн гэсэн “шүтээн” бий гэнэ. Тэр нь МОНГОЛ ХҮН. Тодруулбал, Японы сумо бөхийн дэвжээг эзэгнэж буй энэ цагийн шилдэг сумочдын нэг Ёкозүна Харумафүжи Бямбадорж гэнэ.

Монголд эрэгтэй хүүхэд бүр зодог шуудагтай мэндэлдэг гэж хэлэхэд хилсдэхгүй. Барилдаж өсөөгүй нэг ч эр хүнтэй Монголд таарахгүй л болов уу. Бразилд бөмбөгний хойноос гүйж үзээгүй эр хүн үгүй шиг, Монголд ч барилдаж үзээгүй эр хүн үгүй.

Харумафүжи Бямбадорж нь сумо бөхийн дээд цол буюу Ёкозүна гэх цол хүртсэн гадны 5 дахь, Монголын 3 дахь бөх. Тэрээр 8 башёд түрүүлжээ. Даваанямын Бямбадорж 1984 оны 4-р сарын 15-нд Говь-Алтай аймагт мэндэлжээ.

Харүмафүжи нээлттэй, зочломтгой нэгэн. Сумо бөхийн 70 дахь Екозүна тэрээр бильярд тоглох дуртай, чөлөөт цагаараа ном уншиж, зураг зурах дуртай гэнэ.

Бурман муслим хүүхэд нас барсан ээжийнхээ мөөмийг хөхөж байна. Өдөр болгон дэлхий даяар Бурман, Ирак, Палестин, Афгинастан, Пакестин, Бахрайн улсын иргэд үхэж байна. Том гүрнүүдийн асар том бодлогын хүрээнд ядуу буурай орнуудын газар нутаг эд баялгийн төлөө тэд үүнийг хийдэг. Тэд янз бүрийн аргаар өөрсдийн зорилгыг бүтээдэг. Ганцхан жишээ дурьдхад: 2003 оноос хойш Иракт дайны улмаас 500.000 гаруй хүүхэд алуулсан, жилд 50.000, 1 өдөрт 1037, 1цагт 1 хүүхэд алуулж байна. Юуны төлөө гэж зөвхөн нефть тос түүний түүхий эд, бусад баялгаас болж, түүний эзэн суух гэсэн атгаг санаанаас болж хэдэн сая хүн амь насаараа хохирч байна. Гэвч хэн анхаардаг гэж.

НЭГДҮГЭЭР САРД ТӨРСӨН ЭРЧҮҮД

Тэд бол маш их тэсвэр хатуужилтай хүмүүс. Түүнийг анзаарахгүй өнгөрнө гэж байхгүй. Найдвартай бөгөөд хүний итгэл дааж чаддаг. Үргэлж чин сэтгэлээсээ найрсаг зөвлөгөө өгдөг. Тэвчээргүй. Хувь заяанд итгэдэггүй бөгөөд амьдралд зөвхөн өөрөөс нь бүх зүйл шалтгаална гэж боддог хүмүүс. Худлаа ярьж чаддаггүй, илэн далангүй зантай.

Нэгдүгээр сард төрсөн эрчүүдийг хүмүүс нэг бол их хайрладаг, нэг бол их үзэн яддаг, дундаж хандана гэж байдаггүй. Хүнийг сайн таньж чаддаггүй учраас үүнээсээ болж заримдаа хүмүүст итгэл алдрах үе тохиолдоно. Маш гайхалтай аналитик ухаантай хүмүүс. Хүн бүр түүнтэй хэл амаа олж чаддаггүй. Түүнтэй харьцахдаа тэвчээртэй байх хэрэгтэй ба их зан гаргаж болохгүй. Тэр бол маш тайван, тогтуун хүн. Түүнд ямар ч хэцүү ажил даалгасан байард нь гарчихаж чаддаг. Өөрийн олсон орлогоороо амьдралаа залгуулах чадвартай, өр зээл тавьдаггүй. Дуу шуу ихтэй, уурлаж цухалдсан хүмүүст дургүй.

Түүнийг сонгосон замаас нь хазайлгана гэж санасны ч хэрэггүй. Бага зэрэг өөрийгөө бодсон зантай. Хайртай дотны хүмүүстэйгээ амархан муудалцах хандлагатай. Ажил бизнесийн харилцаандаа бодлоготой ханддаг ч гэрийнхэнтэйгээ багахан юман дээрээс болж түр тар хийчихдэг талтай. Өөрт нь ашигтай биш л бол ажил дээрээ хэт их зүтгэл гаргадаггүй. Завтай үедээ ирээдүйгээ төлөвлөх, оюун ухаан хөгжүүлэх зүйлсээр оролдох дуртай хүмүүс.

ХОЁРДУГААР САРД ТӨРСӨН ЭРЧҮҮД

Тэд бол маш хүчтэй зан чанартай хүмүүс. Маш хурдан бодож, аливаа асуудлыг тэр дор нь шийдвэрлэх дуртай. Ажил, амьдрал дээрх асуудлууд түүний санааг байнга зовооно. Сэтгэн бодох чадвар сайтай, элэгсэг дотно зантай, мэдрэмжтэй. Урлагийн мэдрэмж багатай бөгөөд философи, тооны ухаанд авьяасгүй.

Шулуун, шударга зантай ба ажил дээрээ хүний зөвлөгөөг сонсох дургүй. Даруухан хувцасладаг. Түүнд мөнгө хэрэг болбол амархан олчихож чадна. Түүний авьяас чадвар30 наснаас хойш бүрэн нээгдэнэ. Нийгмийн идэвхтэй, санваартан эсвэл сурган хүмүүжүүлэгч болбол зохино.

Хайр сэтгэлийн хувьд хууран мэхлэлтийг тэвчдэггүй, гэр бүл гэдэг бол түүний хувьд ариун нандин зүйл. Хайртай хүндээ үнэнч, шударга ханддаг ба сэтгэлээ илчлэхэд хүрвэл зориг муутай, даруу зантай болчихдог.

ГУРАВДУГААР САРД ТӨРСӨН ЭРЧҮҮД

Тэд бол соёлтой боловсон, олны дэргэд уурлаж, муухай зан гаргадаггүй хүмүүс. Өөрийгөө байнга хөгжүүлэхийг хичээдэг ба ухаантай, сэтгэн бодох чадвар сайтай. Буулт хийх дургүй, адал явдалд бүр дургүй. Өөрийнх нь талаарх бусдын бодол түүнд чухал. Шүүмжлэлд таатай ханддаггүй ба хилсээр буруутгагдсан тохиолдолд хүндээр хүлээж авдаг.

Амьдралд маш урам зоригтой ханддаг бөгөөд асуудлын шийдлийг хурдан олж, хурдан арга хэмжээ авдаг. Амжилтад хүрэх тун их хүсэлтэй хүмүүс. Сэтгэл нь таагүй байгаа үед хэн нэгэнд уураа гаргачихаад дараа нь түүндээ шаналан, өөрийгөө буруутган суудаг. Үргэлж түүний зөв байдаг. Сахилга баттай бөгөөд бусдаас ч гэсэн сахилга баттай байхыг шаарддаг.

Бусдад өөрийгөө илэрхийлэхийг их хүсдэг ба үүний тулд толгойгоо ажиллуулж, янз бүрийн зүйлс сэддэг. Лидер болохыг эрмэлздэггүй ч яаралтай, чухал үед түүнээс сайн удирдагч үгүй. Онц ноцтой нөхцөлд зоримог, шийдэмгий бөгөөд зөв шийдэл олохдоо сайн. Ийм үед цаг алдахаас болгоомжлон бусдын зөвлөгөөг сонсдоггүй. Өрсөлдөгч нь түүний хурдыг гүйцдэггүй учраас тэр үргэлж амжилтад хүрдэг.

ДӨРӨВДҮГЭЭР САРД ТӨРСӨН ЭРЧҮҮД

Энэ сард төрсөн эрэгтэй хүмүүс дуу цөөтэй ч ажлаа сайн хийдэг. Тэр багадаа хөвгүүдийн бүлгэмийнхээ ахлагч нь байгаагүй ч бүгд түүний үгийг сонсож, зөвлөгөө авдаг байсан.

Идэр насандаа хийж байгаа бүх зүйлдээ маш их хичээл зүтгэлтэй ханддаг, нарийн чимхлүүр ажилд дуртай. Аливаа ажлыг төгс гүйцэтгэхийг зорьдог. Ямар ч ажилд орсон бай тэр ажлаа хамгийн сайн мэддэг, чаддаг нь: үйлдвэрт – орлуулж боломгүй мастер, сурган хүмүүжүүлэх салбарт – хамгийн сайн багш, спортод- тэвчээртэй дасгалжуулагч, бизнест – итгэлт түнш.

Тайван, хичээнгүй, сайхан сэтгэлтэй, нямбай учир хадам ээжийн хайртай хүргэн. Эхнэртээ ялихгүй зүйлд буулт хийж чаддаг, гэхдээ чухал асуудалд өөрийнхөө шийдвэрийг өөрчилдөггүй тул ятгаад ч нэмэргүйг гэрийнхэн нь сайн мэднэ.

Цэвэр, цэмцгэр эмэгтэйчүүдэд дуртай. Түүний дэргэд тос үсэрчихсэн хормогчтой явж хэрхэвч болохгүй. Тэр тухайн үед юм хэлэхгүй ч таагүй санагдаж байна гэдгээ заавал ойлгуулна. Эхнэр нь хүмүүстэй маргалдах үед эхнэрийнх нь буруу байсан ч үргэлж эхнэрийнхээ талд зогсоно.Харгүй хүмүүс учир эхнэрүүд нь араар тавьж байгааг анзаарахгүй байх тохиолдол байдаг.

ТАВДУГААР САРД ТӨРСӨН ЭРЧҮҮД

Урт удаан тайлбар тавих эсвэл сонсохыг тэвчдэггүй хүмүүс. Түүний зан аашийн онцлог болхурдтай байдал, хурдан ойлгож, бодож, хариу үйлдэл хийдэг. Тэр бусдад маш сайхан ханддаг, гэр бүлийнхэндээ халамжтай. Ажил төрөлдөө ихэвчлэн амжилт гаргадаг. Гэхдээ нэг бүтэлгүйтвэл, дараалаад олон удаагийн бүтэлгүйтэл түүнийг хүлээж байдаг. Тэвчээргүй зантай учраас бүх зүйлийг өөрийнхөөрөө хийх, бусдыг удирдах дуртай. Өөртөө итгэлтэй, гэхдээ бүх зүйлийг тооцoолсон байдаг тул барахгүй зүйлээрээ оролддоггүй. Нэг талаараа тэр алиа, хөгжилтэй зантай ч нөгөө талаараа эрээ цээргүй, цухалдуу талдаа.

Түүний амьдрал утгагүй, уйтгартай байна гэж байхгүй. Тэр маш нээлттэй,бусдаас хараат бус хүн. Аналитик сэтгэлгээтэй. Зөрүүд, өөрийн бодсоноороо болдог. Итгэлт анд түүнд найдаж болно. Найздаа үргэлж туслахыг хичээдэг. Маш их ажилладаг ба дарга нь түүнийг тоохгүй байхыг үздэггүй. Хамтран ажиллагчдынхаа дунд нэр хүндтэй, бүгдтэй нь хэл амаа ололцож чаддаг. Нийгмийн идэвх муутай, хэл ам нь хурц.

ЗУРГААДУГААР САРД ТӨРСӨН ЭРЧҮҮД

Тэд бусдын санаа бодлыг огт тоодоггүй хүмүүс. Өөрийгөө бусдаас илүү гэдгээ мэдэрдэг ба хүмүүст нөлөөлж чаддаг. Юу хүсэж байгаагаа мэддэг, яаж хүссэн зүйлээ авахаа ч бас сайн мэднэ. Дипломат зан ааштай тул хэцүү нөхцөл байдлаас өөрийгөө төвөггүй аваад гарчихна. Хүнийг ойлгож чаддаг ховор мэдрэмжтэй учир хүмүүс түүнд нууцаа дэлгэдэг. Тэвчээрээ алдана гэж бараг байхгүй.

Их уншина, тиймдээ ч тал бүрийн мэдлэг сайтай. Хамт олон дундаа нэр хүндтэй. Гүйлгээ ухаантай, цовоо, сэргэлэн. Хэнтэй харьцаж байгаагаасаа хамааран дуу цөөтэй. Аливаа асуудалд саруул ухаанаар хандаж чаддаг. Ойр хавийн бүх хүнд туслахыг хүсдэг.

Эрх чөлөөтэй байх түүнд тааламжтай, хэн нэгний анхаарал халамжинд байх дургүй. Түүнтэй ярилцахад маш сонирхолтой, тэр ухаантай, бусдыг татах хүчтэй. Ажилдаа эрч хүчтэй, хурдтай. Эмчид үзүүлэх тун дургүй. Ихэнх цагийг ажил дээрээ өнгөрүүлдэг учир өвдөх цаг түүнд байхгүй мэт санагддаг.

ДОЛООДУГААР САРД ТӨРСӨН ЭРЧҮҮД

Энэ сард төрсөн хүн тайван, тэвчээртэй байдаг. Бүх зүйлсийг анхааралтай ажиглаж, нарийн юмыг анзаарна. Ялангуяа эргэн тойрны хүмүүсийн сэтгэл санааны байдлыг ажиглаж мэддэг. Бага зэрэг зөрүүд. Тэвчээртэй учир амьдралдаа тодорхой хэмжээний амжилтад хүрч чаддаг хүмүүс.

Найз нөхөд, хамтран ажиллагсад нь худал үг хэлэх төдийд мэдчихдэг. Гэхдээ тэр гэнэн, итгэмтгий зантайгаасаа болж таагүй нөхцөл байдалд орох нь элбэг. Зарим талаараа тэр их өгөөмөр, ядарсан хүнд өмсөж байсан цамцаа тайлж өгөхөд бэлэн. Хорвоо ертөнцийг ном, кинон дээр гардаг шигээр хүлээж авдаг.

Найзуудаараа өөрийгөө хүрээлж өөртөө итгэлтэй болдог. Нийгмийн ажилд идэвхтэй оролцдог бөгөөд өөрөө зарим нийгмийн ажлыг санаачилсан байдаг. Тэр өөрийн боломж, бололцоогоо хэт дээгүүр үнэлэх гээд байдаг талтай ч хүмүүсийн сонирхлыг татахдаа сайн тул хамт олноо манлайлдаг.

НАЙМДУГААР САРД ТӨРСӨН ЭРЧҮҮД

Тэд зоригтой, тууштай хүмүүс ч хааяа шалихгүй зүйлээс болж их цухалддаг. Ганган хээнцэр хувцаслах дуртай. Сайн нөхөр, аав байж чаддаг. Хүүхдүүдэд хайртай бөгөөд хүүхдүүддээ анхаарал халамж их тавьдаг.

Наймдугаар сард төрсөн эрэгтэй тавьсан зорилгодоо хүрэхдээ тууштай хүн. Хүмүүстэй хэл амаа ололцохдоо муу. Өөрөө өөрийгөө хамгаалаад, аваад явчихаж чаддаг.

Зан аашийн хувьд тогтвортой, нийтэч, шударга, сайхан сэтгэлтэй хүмүүс. Шинэ зүйл туршиж янз бүрийн эмоци мэдрэх дуртай. Аливаа асуудалд саруул ухаанаар ханддаг ба хариуцлага үүрэх чадвартай. Асар их авьяастай, гарын ур дүй сайтай хүмүүс байдаг.

Хүмүүст сайхан сэтгэгдэл төрүүлэх дуртай тул сүүлийн үеийн загвараар, ганган, мэдрэмжтэй хувцасладаг. Сайхан хослол өмсөж өөртөө итгэлтэй алхах дуртай. Саарал өнгө түүнд таалагддаггүй. Маш сайн удирдагч байж чадна, тушаал, даалгавар өгөхдөө гаргууд. Хүний хэлсэн үг бүрийг анхааралтай сонсдог бөгөөд дүгнэлт хийх гэж яардаггүй тул алдаа бараг гаргадаггүй. Өөрийн дор ажилладаг хүмүүстээ шаардлага их тавьдаг. Өөрийн зөн совиндоо итгэдэг. Юм бүхний түрүүнд байх дуртай хүн юм.

ЕСДҮГЭЭР САРД ТӨРСӨН ЭРЧҮҮД

Энэ сард төрсөн эрчүүд маш ухаантай ба найз нөхөд, ойр дотны хүмүүс дундаа давамгайлж, удирдах дуртай. Дипломатын карьер хөөхөд тохиромжтой. Хүнд хэцүү үед хатуу байж чаддаг. Идеалист үзэлтэн.

Сайн зохион байгуулагч, удирдагч, гэхдээ зусар, бялдуучлал түүнд хор болдог. Өөрийн ажилтнуудын хүндлэлийг хүлээж чаддаг. Аливаа ажлыг хийхдээ хэтэрхий их идэвх, зүтгэл гаргаж хийдэг. Логик сэтгэлгээ сайтай. Мөнгө, эд баялгийг хэний ч тусламжгүйгээр өөрөө олчихдог.

Нэгэн хэвийн амьдралд өнгө нэмэхийг байдгаараа хичээдэг. Хэвшмэл, уйтгартай юманд дургүй. Чөлөөт цагаараа телевизор үзэх дуртай ч найз нөхөд, ажлынхныгаа гайхшруулж, мэдлэгээ гайхуулахын тулд номын сангийн хуучин ном, сонин, сэтгүүл ухаж сонин содон зүйл хайх их дуртай.

Гэр бүлдээ, хүүхдүүддээ маш их хайртай. Хүүхдүүдээ өөрөө хүмүүжүүлж, цаг их гаргадаг.

АРАВДУГААР САРД ТӨРСӨН ЭРЧҮҮД

Аравдугаар сард төрсөн эрчүүд ухаантай, аливаа юманд үл итгэгч байдлаар ханддаг, скептик хүмүүс. Зөн совин, логик нь сайн хөгжсөн. Заримдаа буулт хийж, нөхцөл байдалтай эвлэрэхийг хүсдэггүй тул үүнээсээ болж асуудалд орчихоод байдаг. Буулт хийдэг байсан бол илүү их амжилт гаргах байсан. Хэн нэгнээс хараат байж чаддаггүй, хорио цээр, хаалтыг үзэн яддаг. Бусад хүмүүсийн биеэ даасан чанарыг нь үнэлдэг. Зочломтгой зантай, найз нөхөддөө үнэнч хүмүүс. Консерватив үзэлтэн.

Хааяа бусдад хариу нэхээгүй тусламж үзүүлдэг ч үргэлж өөрийн ашгийг бодож, хувийн асуудалдаа хамаг анхаарлаа хандуулна. Аливаа асуудалд ажил хэрэгч, ухаалгаар ханддаг. Их ярихын оронд хийхийг илүүд үздэг. Ямар ч нөхцөл байдлыг өөрт ашигтай байдлаар эргүүлж чадна. Шинэ зүйлд болгоомжтой ханддаг.

Утсаар удаан ярих дургүй. Эхнэр, найз охиндоо үнэнч, араар тавилтыг шүүмжилж, тэвчдэггүй. Маш хариуцлагатай хүн.

АРВАН НЭГДҮГЭЭР САРД ТӨРСӨН ЭРЧҮҮД

Энэ сард төрсөн эрэгтэй цаг сайн барьдаг, хариуцлагатай, бодлоготой хүн. Ес зүйтэй байхыг эрмэлздэг. Нас насны, төрөл бүрийн үзэл бодол, итгэл үнэмшилтэй хүмүүстэй хэл амаа амархан олж чаддаг. Гэхдээ маргаан үүсэхэд өөрийнхөөрөө зүтгэж, заавал ялахыг хүсдэг. Хэн нэгэн түүнд албаар бууж өгвөл тэвчдэггүй бөгөөд өөрийнхөө зөв гэдэгт 100% итгэдэг тул бууж өгөхөд дургүй.

Азтай хүмүүс бөгөөд карьерийн тухай боддог ч үгүй, бүх зүйл өөрөө маш азтай тохиолоор бүтчихдэг. Тэр хааяа ганцаараа байхыг хүсдэг. Энэ үед тэр дуугаа хурааж, дотор хүнтэйгээ ярилцдаг. Хэсэг хугацааны дараа тэр буцаад л нийтэч, алиа хошин зантай болчихдог. Хүмүүст сайхан ханддаг. Дарамт шахалтыг тэвчдэггүй тул зөрүүд зан гаргаж эсэргүүцнэ.

Хайр дурлалд адал явдалд дургүй, тогтвортой, удаан харилцааг эрхэмлэдэг. Гэр бүлийн амгалан тайван байдал түүнд маш чухал. Ихэвчлэн эрэгтэй хүүхдүүдтэй болдог ба тэдэнтэйгээ найз шиг нь байдаг. Хүүхдүүдтэй ажиллах дуртай учир багш, дасгалжуулагч болбол тохиромжтой. Гэр амьтай, гадуур явах дургүй.

АРВАН ХОЁРДУГААР САРД ТӨРСӨН ЭРЧҮҮД

Энэ сард төрсөн эрчүүд ажилдаа идэвх, зүтгэлтэй, шаргуу хүмүүс. Хувийн амьдралдаа шинэлэг зүйл турших, өөрчлөлт хийх дуртай. Хамгийн хүнд, хэцүү ажлыг ч хойшлуулдаггүй. Бусад нь олон хоног хийх ажлыг тэр хэдэн өдрийн дотор хийчихдэг. Гараа хумхиж, зүгээр суух дургүй.

Сонирхолтой санагдсан ажлыг урам зоригтойгоор эхэлж, чанартай хийж дуусгана. Хамт олондоо нэр хүнд сайтай.

Нэгэн хэвийн, хэвшмэл зүйлсэд дургүй ба ялангуяа нэгэн хэвийн ажлыг удаан хийж чаддаггүй, дундаас нь хаячихдаг. Нийгэмд байр сууриа олохыг эрмэлздэг хүмүүс бөгөөд итгэл, үнэмшилдээ үнэнч ба сонгосон мэргэжлээ бараг сольдоггүй. Хэрэв тэр ямар нэгэн хоббитой бол түүгээрээ насан туршдаа оролдоно. Маш сониучхан, анхаарал халамжтай хүмүүс байдаг. Бүх зүйлсийг урьдчилан таамагладаг. Санхүүгийн хувьд хэнээс ч хараат бус байхыг зорьдог ба мөнгө хангалттай олж, хангалуун амьдралыг босгоно. Сайн нөхөр ба гэр бүлээ юугаар ч дутаахгүй байхыг хичээдэг, эхнэр нь зөвхөн хүүхдүүдээ хүмүүжүүлэхэд анхаарахыг хүсдэг. Чөлөөт цагаа гэр бүл, хүүхдүүддээ зориулдаг.

Зүс нийлсэн ховоог сайхан хайраар тэтгэдэг
Зүрхээ та гамна, уураар битгий тамлаж бай
Нуусан зовлонг чинь нимгэлж жаргалын нуур луу дусдаг
Нулимсан дусалын чинь ундарга юм
Зүрхээ та гамнаж бай
Амраг ханиа олоход чинь эрхшээж өгсөн судар юм
Анх үртэй болоход чинь эвийлж дуудсан тарни юм
Алаг эрээн орчлонд амьд яваагийн чинь нотолгоо юм
Агаар залгин алхахад амьсгал тэтгэсэн хөдөлгүүр юм
Зүрхээ та гамна, уураар битгий тамлаж бай
Мөнх бусыг үзэхэд мөнх үлдэх хайр чинь юм
Мөн ч их санадаг амрагийн чинь ганц өмч юм
Ирээдүй хойчоо өсгөх их хайрын чинь голомт юм
Ийм хүн байсныг чинь бурханд нотлох нотолгоо юм
Зүрхээ та гамна, уураар битгий тамлаж бай
Эцсийн мөч ирэхэд таны тархийг амьдруулах гэж
Эмнэлгийн орон дээр тарчлах эмчийн дайтай эмч юм
Эмгэнэлт нийгмийн өмнөөс ядарсан нэгнийг өрөвдөх
Эрхэм сайдаас илүү энэрэнгүй төрхтэй эрхтэн юм
Зүрхээ та гамна, уураар битгий тамлаж бай
Сониуч харцаар дамжсан муу муухай үзэгдлийг
Сохор заяат орчлонд үүрч зүтгэдэг ажилчин юм
Соотон чихээр урссан ховийн олон үгсийг
Солгой нүүртэй тавиланд тээж явдаг үйлтэн юм
Зүрхээ та гамна, уураар битгий тамлаж бай
Хамаг бие хөрөөд сүнсэнд хөтлөгдөн одоход
Хамгийн сүүлд үхдэг хачин үнэнч эрхтэн юм
Хагацал дундуур бүдчиж гэрэл өөдөө сарвайхад
Хайрын нарыг мандуулдаг улаан өнгөтэй тэнгэр юм
Зүрхээ та гамна, уураар битгий тамлаж бай.

Бидний амьдарч буй хорвоо ертөнц оньсого таавраар дундаршгүй. Ийнхүү амьдарч байгаа орчныхоо болоод өөрсдийнхөө талаар байнга шинийг сурч мэдэж байх нь чухал юм. Тухайлбал та батга эерэг зүйл гэдгийг мэдэх үү? Ягаан цас ордог талаар сонссон уу? Тайлагдашгүй эдгээр нууцын зах зухаас нь уншигчдадаа сонирхуулахаар бэлтгэлээ. Мэдлэгт тань дусал нэмэр болно гэж найдаж байна.

1Батга хөгшрөлтийг удаашруулдаг
Английн эрдэмтэд батгашилттай хүмүүсийн эс хамгаалах механизм нь хөгшрөлттэй идэвхтэй тэмцдэг болохыг нотолжээ. Өсвөр насандаа батгашилттай нүүртэй байсан хүмүүс насанд хүрээд бусдаас илүү залуу харагддаг гэнэ шүү.

2Аялгатай уйлах
Хүүхдүүд уйлахдаа ээжийнхээ хоолойн өнгөтэй төстэй авиа гаргадаг. Хүүхэд хэвлийд байхдаа ээжийнхээ дуу хоолойг сонсож чаддаг юм. Эрдэмтэд Франц, Герман гэр бүлд төрсөн 60 хүүхдэд тулгуурлан судалгаа хийсэн байна.

3Элсэн цаг шиг галбиртай бол ухаантайн шинж
16.000 эмэгтэйг хамруулсан томоохон судалгааны эцэст элсэн цаг шиг биеийн галбиртай бүсгүйчүүд илүү оюуны өндөр чадамжтай болох нь тогтоогджээ. Шалтгаан нь ийм галбиртай эмэгтэй хүн тархийг хөгжүүлж, хөгшрөлтийг удаашруулдаг омега 3 тэжээл ихтэй байдаг юм байна.

4Сахалтай эрчүүд халзрах магадлал өндөр
Илүү шигүү мөн урт сахалтай эрчүүд тэр хэрээрээ халзрах магадлал нь өндөр гэж судалгаагаар тогтоогджээ. Учир нь хуйханд ургах үсний илчлэг дулаан нь сахал руу очдог байна.

5Жоом хаздаг
Жоом хоолоо олсон жирийн үедээ хүнийг хаздаггүй. Гэхдээ огт хаздаггүй гэж ойлгож болохгүй. Тэд өлссөн үедээ хүнийг хаздаг төдийгүй хазуулсан үед тухайн орчмын арьс хавддаг юм.

6Муур өөрийн зүг чиг ологчтой
Дэлхийн соронзон оронд муурын тархины эсүүд маш цочромтгой реакц үзүүлдэг гэдгийг судалгаагаар тогтоожээ. Тиймд муур луужин адил зүг чигээ олох чадвартай байдаг.

7Эхийн сүүний найрлага өөрчлөгддөг
Хүүхэд нь өвдсөн тохиолдолд эхийн сүүний чанар өөрчлөгддөг. Судлаачид үүнийг хүүхэд өвдөхөд шүлс нь ээжийн биед дохио өгдөг гэж тайлбарласан байна. Үр дүнд нь хүүхдийн биеийн эсэргүүцэлд нөлөөлөх сүү ялгардаг аж.

8″Холестерин агуулаагүй” гэсэн бичигтэй шошго зөвхөн сурталчилгаа юм
Ургамлын тосон дээр холестерингүй гэсэн шошго тавьсан нь зүгээр л бүтээгдэхүүнээ борлуулах гэсэн сурталчилгаа юм. Холестерин нь зөвхөн амьтдын биед байдаг.

9Эрчүүд ч бас сард нэг удаа хямардаг
Эмэгтэйчүүд сарын тэмдэг ирэх үед өвдөлт мэдэрдэг бол эрчүүд ч бас сардаа нэг удаа бие нь эвгүйрхэж таагүй байдалд ордог гэнэ. Энэ нь гэхдээ эмэгтэйчүүдийнс сарын тэмдэгтэй огт хамаагүй. Эмэгтэйчүүд сарын тэмдэг ирснээр цус нь сэлбэгддэг бол эрчүүд цус нь шинэчлэгдэхгүй удсанаас болоод ийм таагүй мэдрэмж авдаг байна.

10Хэт их хошигнох нь эмгэг байх магадлалтай
Тархины гэмтлээс болж хүн хэт их хошигнодог. Үүнийг мэдрэлийн өвчинд тооцдог тал бий. Ийм тохиолдолд хошин мэдрэмж нь эмгэгийн шинж тэмдэг юм.

Хүн амын ердөө 22 хувь нь чихээ хөдөлгөж чаддаг
Хэрвээ та чихээ хөдөлгөж чаддаг бол их ховор хүн байна. Зарим хүмүүс хөмсөг, хоёр чихээ хамтад нь хөдөлгөдөг. Гэхдээ зөвхөн дэлхий дээрх хүн амын 22 хувь нь л чихээ хөдөлгөх чадвартай.

Хайртай хүмүүсийн зүрх нэгэн хэмд цохилдог
Эмэгтэй хүний зүрхний хэм, амьсгалын хэм хоёр дурласан үедээ хостойгоо ижилхэн түвшинд очдог. Бие биетэйгээ нягт холбоотой хүмүүс бие биедээ уусах замаар бие мах бодь нь ч ижил хэмнэлтэй болдог аж.

Их гомдоллодог хүн илүү удаан амьдардаг
Амьдралдаа сэтгэл ханамжгүй, байнга гомдолдог хүмүүс бусдаас илүү урт насалдаг гэж судалгаагаар тогтоогджээ. Тэд гомдоллож, гонгинож стрессээ тайлдаг байна.

Ямар шөлөнд чанаж байгаагаас шалтгаалан ягаан байцаа өнгөө өөрчилдөг
Хоол хийх явцад ягаан байцааны өнгө өөрчлөгддөг шалтгаан нь буцалж байгаа усны чанараас болдог юм. Жишээ нь, хүчилтэй усанд өнгө нь хэвээрээ байна, харин зүгээр энгийн усанд чернилэн ягаан болж, шүлтлэг усанд маргад өнгөтэй болдог аж.

Кино биднийг алс холын ертөнцөд хүргэж, бодит амьдралаас түр ч болов амсхийх боломж олгодог. Гэхдээ дэлгэцэн дээр байгаа хүмүүс бодит гэдгийг мартаж болохгүй. Тиймээс киног бүтээх явцад хөгжилтэй, итгэмээргүй ямар нэгэн зүйлс байнга тохиолдож байдаг. Тиймээс та бидний хамгийн сайн мэдэх кинонуудыг бүтээх явцад тохиолдсон гайхалтай зүйлсийн талаар танд сонирхуулъя.

1.”Бөгжний эзэн” (Lord of the Rings)

Зураг авалтын дийлэнх хэсгийг ууланд авах шаардлагатай байсан учраас кино багийхныг байнга нисдэг тэргээр зөөдөг байжээ. Гэвч Боромирийн дүрд тоглож байсан жүжигчин Шон Бийн (Sean Bean) нисэхээс айдаг учраас өдөр болгон ганцаараа зураг авах уул руу авирдаг байжээ.

2.”Харанхуйн баатар” (The Dark Knight)

Жүжигчин Хэт Лэджер (Heath Ledger) Алиалагчийн дүрдээ гүн орохын тулд  зургаан долоо хоногийг зочид буудлын өрөөнд ганцаараа өнгөрөөжээ. Энэ үеэр тэр өөрийгөө бүрэн дайчилж дүрээ хэрхэн алхаж гишгэх, бүр яаж амьсгалахаа хүртэл бэлдсэн гэнэ.

3.”Нарниагийн домог” (Chronicles of Narnia)

Жүжигчин Жеоржи Хенли (Georgie Henley) ноён Туменустай дэнлүүний дэргэд таарахдаа жинхэнээсээ цочиж, айсан гэнэ. Туменусын дүрд тоглосн Жеймс МакАвой (James McAvoy) өөрийн нүүр будалтыг түүнд огт харуулаагүй байсан бөгөөд охины айж цочсон үйлдэл жинхэнээсээ байсан учраас эхний оролдлогоор тухайн зураг авалт амжилттай болжээ.

4.”Оддын аялал” (Star Trek)

Киноны сансрын хөлгийн хөдөлгүүрийн дуу нь үнэндээ Оросын ариун цэврийн өрөөний суултуурын  ус татаж буй чимээ гэнэ.

5.”Терминатор” (Terminator)

Арнольд Шварценеггер (Arnold Schwarzenegger) “Терминатор” кино зураг авалтын үеэр үдийн цайгаа уухаар шийдээд нэгэн жижиг цайны газарт оржээ. Харин захиалгаа өгсөн хойноо л нүүрэн дээ наасан робот нүдээ салгаагүйгээ анзаарсан гэдэг.

6.”Юрийн галавын цэцэрлэг” (Jurassic park)

Энэ кинон дээр гардаг Велоцираптор  (Velociraptor) үлэг гүрвэлийн гаргадаг авиа нь бэлгийн харилцаанд орж байгаа яст мэлхийнээс гардаг дуу аж.

7.”Жон Вик” (John Wick)

Өдгөө 53 нас хүрч байгаа жүжигчин Киану Рийвс (Keanu Reeves) “Жон Вик” киноны гол дүрд тоглохдоо амь өрссөн тулааны хэсгүүдийн 95 хувийг орлон тоглогчгүйгээр өөрөө хийж гүйцэтгэжээ. Тэрээр дүрдээ бэлдэхийн тулд зургаан сурын турш өдөр бүр каратэ, кик бокс, жиү жүцүгээр хичээллэсэн бөгөөд галт зэвсгийн мэргэжилтэн болсон байна.

8.”Хөөрхөн хүүхэн” (Pretty Woman)

Ричард Гийр (Richard Gere) Жулиа Робертс (Julia Roberts)-д зүүлт өгч байхдаа гэнэт савных нь тагийг хаадаг хэсгийг урьдаас төлөвлөөгүй байжээ. Харин Жулиагийн инээмсэглэл найруулагчид таалагдсан учраас хасалгүй хэвээр үлдээжээ.

9.”Интерстеллар” (Interstellar)

Найруулагч Кристофер Нолан (Christopher Nolan) 2013 онд өөр бүтээл дээр продюсерээр ажиллаж байхдаа эрдэнэ шишийн талбайг компютерээр бүтээхийн оронд жинхэнээсээ ургуулах нь илүү хямд тусахыг анзаарчээ. Тэрээр зөвхөн энэ киноны ганцхан хэсэгт зориулж бүхэл бүтэн эрдэнэ шишийн талбай бий болгоод зогсохгүй дараа нь эрдэнэшишээ зарж ашиг хүртэл олжээ.

10.”Шиндлерийн бүртгэл” (Schindlers List)

Олны хэсэгт гарах 20 мянга гаруй хүнд өмсүүлэх 1940-өөд оны хувцас олдоогүй учраас киноны багийнхан кино зураг авч байсан Польш улсад “XX зууны эхэн үеийн хувцас олон тоогоор авна” гэсэн зар гаргажээ. 1990-ээд онд Польшид эдийн засгийн хямралтай байсан учраас хэдэн мянган иргэн өвөө эмээгийнхээ хувцсыг зарахаар дараалал үүсгэж байсан гэнэ.

11.Амилсан чөтгөр (Revenant)

Дүрдээ орохын тул Леонардо Ди Каприо үхрийн түүхий элэг жинхэнээсээ иджээ. Мөн тэрээр цариур буугаар буудах, модоор гал ноцоох зэргийг сурч мөн индиан овгийн хоёр ч хэлийг гадарлах болсон байна.

12.”Элизабет: Алтан үе” (Elizabeth: Golden Age)

Элизабет Гэгээн Паулын сүмд ирж буй хэсгийн зургийг авах гэтэл тус сүмийг сэргээн засварлах ажил дуусаагүй байжээ. Тиймээс найруулагч Шехар Капур (Shekhar Kapur) уран арга сийлж сүмийг засварлаж байсан жинхэнэ ажилчдад орчин үеийн бус, дээр үеийн хувцас хунар, барилгын хэрэгсэл өгч киноны арын хэсэгт сүмийг засварлаж буй ажилчид болгон гаргажээ.

13.”Матрикс” (Matrix)

Тулаантай киноны найруулагч Ву Пин (Woo-Ping)эхэндээ ”Матрикс” дээр ажиллахыг хүсээгүй гэнэ. Киноны үндсэн найруулагч нар болох ах дүү Вачовски (Wachowski)-гаас тэр их хэмжээний хөлс нэхжээ. Ву өөрийнх нь саналыг хүлээж авахаас татгалзана гэж бодож байсан ч ах дүү Вачовски нэхсэн хөлсийг нь төлөхөөр болсон байна. Дараа нь Ву зураг авалт эхлэхээс дөрвөн сарын өмнө жүжигчдийг бэлдэхээс гадна тулааны хэсгийг гадны ямар ч оролцоогүйгээр ганцаараа найруулахыг шаардсаныг мөн л зөвшөөрсөн юм.

14.”Жанго” (Django Unchained)

Леонардо Ди Каприо (Leonardo Di Caprio) хоолны ширээг дэлсдэг хэсэг дээр түүний алган дээр нь шилний жижиг хэлтэрхий зоогджээ. Гэсэн ч тэрээр үүнийг үл тоомсорлон зураг авалтыг үргэлжлүүлсэн бөгөөд кинон дээр түүний гараас гарч байгаа цус жинхэнэ юм байна.

15.”Форест Гамп” (Forest Gump)

Кинонд тоглох гэрээнд гарын үсэг зурахдаа Том Хэнкс (Tom Hanks) нэг ч долларын хөлс урьдчилж аваагүй бөгөөд киноны олох орлогоос ердийнхөөс илүү хувь авахаар тохиролцжээ. Энэ нь ч зөв шийдвэр болж Том Хэнкс Форест Гампын дүрээрээ 40 сая долларын орлого олсон аж.

16.”Титаник” (Titanic)

Леонардо Ди Каприогийн өмнө нүцгэлэх хэрэгтэй гэж мэдсэний дараа Кейт Уинслет (Kate Winslet) зураг авалтанд хэн хэнийгээ сэтгэл зүйн бэлтгэлтэй байлгахын тулд Ди Каприотой уулзангуутаа нүцгэлсэн гэнэ.

17.”Далласын худалдан авагчдын клуб” (Dallad Buyers Club)

Тус киноны төсөв тун бага байсан учраас уран бүтээлчид жүжигчдийн нүүр будалтанд 250 ам.доллар зарцуулжээ. Харин нүүр будалтын баг энэ мөнгийг хүргээд зогсохгүй шилдэг нүүр будалт, үсний засалтаар “Оскар”-ын шагнал хүртсэн юм.

18.”Глактикийн хамгаалагчид” (Guardians of the Galaxy)

Киноны гол дүр Крис Пратт (Chris Pratt) Стар Лордын хувцсаа буцааж өгөлгүй өөртөө үлдээжээ. Тэрээр төрөлх хотынхоо өвчтэй хүүхдүүдийг Стар Лордын дүрээрээ эргэж байхын тулд ингэсэн юм байна.

19.”Армагеддон” (Armageddon)

НАСА-гийн удидлага сургалтын үеэр энэ киног үзүүлдэг. Шинэ сансрын нисгэгчид харин сансарт байх үедээ хийж болохгүй 168 алдааг олох ёстой байдаг.

20.Загалмайлсан эцэг (The Godfather)

Киноны эхний хэсэг дээр Мэрлон Брандо (Marlon Brando) муур гартаа барих тухай зохиол дээр байгаагүй аж. Харин гудамжинд таарсан тэнэмэл муур Брандод их таалагдсан учраас тэрээр муураа бариад шууд зураг авалтанд оржээ.

АНУ-ын ХДХВ-ийн өвчлөлөөс урьдчилан сэргийлэх болон хяналт тавих төвөөс эмэгтэй хүнээс эмэгтэй хүнд ДОХ-ын халдвар дамжсан анхны тохиолдол бүртгэгдсэн талаар мэдээллээ.

Техаст амьдардаг 46 настай ижил хүйстэн буюу лесби эмэгтэйгээс энэ өвчин илэрсэн ба тархалтын тандалт, судалгаа хийгдэх үеэр сексийн хамтрагч болох эмэгтэй хүнээс энэ халдварыг авсан болох нь тогтоогджээ. Лесби эмэгтэйчүүдийн дунд аюулд ДОХ өвчин халдварлах боломж маш ховор гэж үздэг юм.

Тэд Хьюстонд амьдардаг бөгөөд 40 орчим насныхан ажээ. Эмэгтэйчүүдийн нэг нь ДОХ-ын халдвартай нь илэрч, эмчилгээ хийлгэж байсан ч 2010 оны сүүлээр зогсоосон байжээ.

Харин хоёр дахь эмэгтэй нь халдвар авах хүртэлх зургаан сарын турш өөр хүнтэй бэлгийн харьцаанд ороогүй юм байна. Анх эмнэлэгт ханиадны шинж тэмдэгтэй ирсэн түүнээс ДОХ-ын шинжилгээ авахад эхэндээ “эсрэг” гарсан ч хэсэг хугацааны дараа сорил “эерэг” болсон гэнэ.

“Юм бүхэнд үнэ цэнэ буй. Хүн бүхэнд хувь тавилан гэж буй” гэсэн өгүүлбэрээр төгсдөг зохиол хэзээ ч билээ уншсан санагдана. Хэн гэдэг зохиолчийн, ямар нэртэй зохиол байсныг лав мартжээ. Гэхдээ төгсгөлийнх нь энэ хоёр өгүүлбэр сэтгэлд үүрд үлдсэн нь гайхалтай. Үе үе сэтгэл үймрэхэд дээрх хоёр өгүүлбэрийг би өөртөө хэлдэг юм. Үнэндээ амьдралын бүх гүн ухаан энэ хоёрхон өгүүлбэрт багтсан байдаг санагдана. Гоо сайхны үнэтэй бараа худалдаж аваад эсвэл хэн нэгнээр авахуулаад дэлгүүрээс гарч яваа охид бүсгүйчүүлтэй бишгүй л тааралддаг. Хөл нь газар хүрэхгүй баярлах нь ч бий, юм үзэж нүд тайлсан тэр зэргийн юманд хөөрч догдлохооргүй болсон нь ч бий. Чухам тийм сэтгэл догдолдог үеэ өнгөрөөсөн нэгэн бүсгүй хурааж хуримтлуулсан хэдэн төгрөгөөрөө нүүр цэвэрлэгч, тансаг үнэртэн, хөмсөг сормууны будаг, хөл гарын тос авчихаад дэлгүүрээс гарлаа. Гоо сайхны дэлгүүрийн үүдний толинд өөрийгөө зэрвэс хараад миний энэ уруул дээрх том хар мэнгэ намайг даанч гутаах юм даа? Энэ мэнгийг авахуулж нэг санаа амрахсан гэж боджээ. Энэ бүсгүйг хүний хорвоод төрсөн тэр нэг өдөр бурхан номонд итгэлтэй, бишрэл шүтлэг ихтэй эмээ нь нутгийн номтой лам дээр очиж заяа төөргийг нь үзүүлжээ. Шашин ном дэлгэр цагт хийдэд сууж байгаад бэрх цагийн эхэнд шар шувталж хар болсон ч уншлага номоо огт таслаагүй тэр хүн ёстой л шарсан мах андахгүй шар зурхайч байжээ. Охины төрсөн өдрийн төөрөг нь хэмжээлшгүй их буянтай, хаан язгууртны тогоо барих хувьтай, арвин буян нь насан багад бус насан залууд ирэх учиртай хэмээн айлджээ. Учиргүй баярласан эмээ нь дэгдэх нь холгүй явсаар гэртээ ирүүтээ сонин болгож мэргэн ламын үгийг учирлан хэлсэн боловч шашингүйн үзэлд бүрэн автсан коммунист аав ээж нь ер тоож үзсэнгүй. Тэр өдрөөс хойш эмээ нь аврал буяныг нь үзэх юм шиг ганц зээ охиноо гараасаа салгалгүй өсгөжээ. Иш, миний муу бор охин царай муутай юм шүү дээ? Том болоод засрахгүй бол хаан язгууртан яаж тоох вэ дээ? Дээд хүрээний тэр ламыг ч хүмүүс дэгс хэлдэггүй гэдэгсэн дээ? хэмээн үе үе охиныхоо ирээдүйд зовнин элдвийг боддог байжээ. Эмээгээ бурхан болсны дараа охин ээж аав дээрээ ирж амьдарчээ. Нас барахынхаа өмнөхөн хөгшин эх нь охиныхоо ирээдүйн хувь тавилангийн тухай, залуу насанд нь ирэх их амны хишиг, буян заяаны тухай бүгдийг ярьжээ. Сүсэг бишрэл ихтэй эмээгийн дэргэд өссөн охин тэр бүхэнд нь итгээд хэдийгээр нэг эцэг эхийн боловч өөрөөс нь хөндий болсон нас бие тэрсхэн гурван эрэгтэй дүүгийнхээ элдвээр аашлахыг тоодоггүй байлаа. Тэвчих хэрэгтэй залуу нас юухан байхав. Хэдхэн жилийн дараа ирнэ. Тэр үед та нарыг би хэзээ ч уучлахгүй гэж дотроо шивнэнэ. Хэн ч түүнийг сургуулийн царайлаг хөөрхөн охидын тоонд оруулдаггүй байв. Харин ч “Мэнгэт хар” зэргзэр хочлон шоолох нь их. Даруухан бор царайтай, намхан хамартай, нимгэн уруултай, уруул дээрээ учиргүй том хар мэнгэтэй, сурлагаар ч сайнгүй түүнтэй хэн ч үерхсэнгүй. Ахлах ангид байхдаа хамт хөтлөлцөн яваа охид хөвгүүдийг хараад сэмхэн дотроо атаархдаг. Хааяахан царай зүс муутайдаа өөртөө гомдон орондоо уйлах боловч эмээгийнх нь хэлсэн сайхан үгс сэтгэлийг нь тайтгаруулах бөлгөө. Дунд сургуулиа төгсөөд их сургуулийн нягтлан бодогчийн ангид аавынхаа танилаар хөөцөлдүүлэн байж оржээ. Оюутан байхдаа мөн л хэнтэй ч үерхсэнгүй. Хэн ч түүнтэй үерхсэнгүй. Ганцаардмал бүсгүй гэр, сургууль, номын сан гурвын дунд дөрвөн жил алхжээ. Харин хичээлдээ их шамддаг байв. Сайн нягтлан хаана ч хоолтой гэж ээж аав нь олонтоо зөвлөсөн тул одон оронч болох багын мөрөөдлөө орхижээ. Үнэхээр сургууль төгсөөд ажил мундсангүй. Мөнгө ч чамгүй олж өөрийнхөө царай зүсийг их тордох болжээ. Нүүр цайруулах, сэвх арилгах үйлчилгээтэй гоо сайхны бараанд хамаг мөнгөө үрнэ. Гэтэл уруул дээрх том хар мэнгэнээс нь сүүлийн үед үс ургах болсон нь түүний уурыг бүр ч ихээр хүргэжээ. Дэлгүүрээс гараад шууд эмнэлэг зүглэлээ. Гоо сайхны мэс засал хийлгэх хүсэлтэй байгаагаа нүдэнд дулаахан залуухан эмчид их л ичингүйрэн байж хэлжээ. Залуу эмч инээмсэглэснээ төлбөрөө төлчихвөл маргааш ч хийхэд бэлэн гэв. Хадгаламжинд байсан хэдэн төгрөгөө аваад эмнэлгийн дансанд шилжүүлчихэв. Саяхан танилцсан циркийн жүжигчин залуудаа ч хэлсэнгүй. Тэр залуу, бүсгүйн анхны хайр бөгөөд хааяа нэг ажил руу нь утасдаж шөнө болохоор болзож хамаг мөнгөөр нь бааранд найрлачихаад хэд хоног сураг алдардаг нэгэн. Гэвч түүний эмэгтэй хүнийх гэмээр шингэн цагаан царай, давхраатай том хар нүдийг нь харахгүй байж чадахааргүй болтлоо дурлажээ. Дээрээс нь байнга очиж ажил төрөл, амьдралынхаа бүтэмжийг асуудаг зурхайч лам нь яах аргагүй заяаны чинь хань юм аа гэж хэлснээс хойш сэтгэлийнх нь уяа бүр алдарчээ. Түүндээ таалагдахын тулд ямар ч үнээр хамаагүй гоо үзэсгэлэнтэй болохоор зориг шулуудав. Энэ том хар мэнгэнээс салсан өдөр миний амьдралын хамгийн аз жаргалтай өдөр байх болно хэмээн мэс засал хийлгэх өдрийн өглөө боджээ. Өндөр шулуухан хамартай, шингэн цагаан царайтай, давхраатай том алаг нүдтэй, өтгөн урт сормуустай, төмбөгөр хөөрхөн уруултай түүнийг хэн ч харсан дуу алдахаар сайхан болжээ. Уруул дээрх том хар мэнгэнээс нь сорви ч үлдсэнгүй. Бие галбираа засуулж, нүдэндээ өнгөт линз хийж том зузаан шилнээс салав. Шинэ жилээр аав ээж нь гайхан сайхан хөөрхөн болсныг нь магтаад мэс засал хийлгэсэн мөнгөний дүнг сонсоод толгой сэгсрэв. Циркчин залуу сард нэг удаа утастдаг байснаа долоо хоногт хоёр удаа утастах болж бүр өөрийнхөө мөнгөөр гурван ч удаа үдийн хоол идүүлжээ. Бүсгүй өөртөө сэтгэл хангалуун байлаа. Эмээгийнх нь хэлсэн буян хишигтэй залуу нас одоо ирлээ хэмээн бодох болжээ. Хувь тавилангийн тэнгэр буян хишгийн хүрд эргүүлж суугаад өглөгийн элчийг дуудууллаа. – Элч минь өнөөдөр нэг бүсгүй 26 нас хүрч байна. Оноосон хувь тавилан ёсоор түүнд өнөөдөр буян хишгийг нь өгөх ёстой. Сайн ханьтай нь чи учруулаад амьдралынх нь зам мөрийг засчихаад хүрээд ир. Тэгээд аяндаа бүх юм бидний зохицуулснаар болох болно. Тэр бүсгүйг таних тэмдэг уруул дээрх том хар мэнгэ, мөн их нигүүлсэнгүй харцтай жижигхэн бор нүд, өөр чинь юу билээ. Аан, тийм уруул дээрх мэнгэн дээр нь үс ургасан байх ёстой. Өглөгийн элч зорьсон газартаа нүд ирмэх зуур иржээ. Гэтэл онцгой тэмдэг бүхий бүсгүй байдаггүй. Бишгүй хайсан боловч олдсонгүй. Уг нь залуучуудын хөдөлгөөн үүссэний ойн хурал дээр тэр хоёрыг зэрэгцүүлж суулгаад ойртон танилцуулахаар хувь тавиланг зохицуулжээ. Арга барагдсан өглөгийн элч, хувь тавилангийн тэнгэрийн их хилэгнэлээс айж, нүдэнд дулаахан нэг бүсгүй сонголоо. Тэгэхээс өөр арга байсангүй. Учир нь энэ улсын ирээдүйн ерөнхийлөгч заяаны ханьтайгаа учрахад хэдхэн мөч дутуу байлаа. Харин энэ үед гоо үзэсгэлэнтэй болсон бүсгүй циркчин залуутайгаа хурал болж буй ордны хажуугаар сугадалцан өнгөрчээ. Бүсгүйн мэнгэ байсан газар чимчигнэх шиг болов. Арай өнөө гайтай хар мэнгэ дахиад ургачихгүй байгаа гэж бүсгүй дотроо айсхийн бодсоор өнгөрөв. Бүх юм ингээд төгсөв. Зүс сайхан болсон ч бүсгүйд эмээгийнх нь хэлсэн хувь тавилан нь ирсэнгүй. Нэг муу худалч зурхайч хөгшин ээжийг минь хуураа байлгүй гэж боджээ. Буян хишиг нь ч ундарсангүй. Циркчин залуутайгаа гэрлэсэн боловч удалгүй салжээ. Өөрөөсөө олон эгч баян авгайтай нөхцөөд нөхөр нь алга болов. Үеийнхээ бүсгүйчүүлээс дэндүү эрт өтөллөө. Байн байн нүүр нь загатнах болж, арьсных нь өнгө нь үхээд, үе мөчөөр нь тэсэхийн аргагүй хатгуулах болжээ. Ямар их үнээр гоо сайхан болсноо тэр ойлгосонгүй. Өнөөх зохиол “Юм бүхэнд үнэ цэнэ буй. Хүн бүхэнд хувь тавилан буй” гэж төгсдөг билээ.

“Atlas of beauty” буюу “Бөмбөрцгийн гоо үзэсгэлэн” фото төслийн хүрээнд Румыны иргэн, гэрэл зурагчин Михаэла Норок улс орнуудын эмэгтэйчүүдийн гоо үзэсгэлэнг дэлхий нийтэд таниулахаар  эмэгтэйчүүдийн хөрөг  зургийг даржээ. АНУ, Англи, ОХУ, Хятад зэрэг орнуудыг бодвол тив, дэлхийн хэвлэл мэдээллийн хэрэгсэлд тэр бүр дурдагдаад байдаггүй, олон улсын энтертайнмент ертөнцөөс орхигдсон орнуудын эмэгтэйчүүдийг таниулах энэхүү ажилд Монгол Улс багтжээ.

Энэ бол Михаэла Норокын дарсан зургуудын цөөн хэсэг нь хэрвээ өөр гэрэл зургуудыг нь харахыг хүсвэл түүний instagram хаягаар нэвтэрч үзэх боломжтой.

БНХАУ нь хамгийн их хүн амтай, эдийн засгаараа дэлхийд хоёрт ордог, өсөн дэвжиж, хувьсан өөрчлөгдөж буй хүчирхэг гүрэн билээ. 21-р зууны Хятадын эдгээр дүр зургаас та Бээжингийн аймшигт утаанаас эхлээд олон сонирхолтой зүйлсийг олж харах болно.

1. Бээжингийн агаарын бохирдол

2. Шинжаан, Уйгур. Малчид адуугаа тууж байна. 

3.  Зураач эмэгтэйн зурсан 3D зураг. 

4. Цэргийн сургалтын баазад ардын чөлөөлөх армын цэргүүд.

5. Хонг-Конг. Орон сууцны барилга.

6. Агаарын бохирдлоос сэргийлж маск зүүсэн Хятад эмэгтэй.

8. Зарагдхаа хүлээгээд сагсан дотор сууж буй гөлөг

9. Шанхай дахь цамхаг бороо орж байх үеэрх манантсан байдал.

10. Жэжян мужийн Ханчжоуд  галт тэрэгний буудлын хүлээлгийн хэсэг. 

11. Цагдаа болон иргэдийн терроризмын эсрэг коллеж дээрх сургалт.

12. 3 настай хүүхэд агаарын бохирдлоос сэргийлж эмчилгээ хийлгэж байгаа нь.

13. Хятадын баруун өмнөд Сычуань муж. Буддын шашны дээд сургууль байдаг. Эдгээр нь гэлэнмаа болон лам нарын орон сууц. 

14. Коби Брайантын лааны тосон баримал.

15. Хүүхэлдэйн үйлдвэр дэх толгойгүй пластик биеүүд. 

16. Хамгаалагч залуу хүнийг усанд сэлэхийг хориглож байна. 

17. Шаньдун муж. Хүүхдүүд тоглож байгаа нь. 

18. Энэ зургийг Гуанжоу дахь Кантоны цамхаг дээр авчээ. 

19. Ханан дээр сийлсэн дүрс. 

20. 7556 метрийн өндөр Congga уулын бэлээр явж буй жуулчин.

21. Хонг Конгийн усан парк. 

22. Хятадын Шаньдун мужийн Жинанийн  замын гэрэлтүүлэг. 

23. Лам нар занданшуулсан ламын зургийг авч байгаа нь. 

24. Балетийн сургуулийн охид сунгалтын дасгал хийж байгаа нь.  

25. Бээжин Дитан парк. Сар шинийн баярын тохижилт.

26. Бээжингийн аюулт агаарын бохирдлоос сэргийлж маск зүүсэн Хятад эмэгтэй.

27. -6 хэмд хүйтнийг тэсвэрлэх тэмцээнд оролцож буй хүн. 

28. Нга Цин Вай тосгоны дүр зураг.

29. Айл гэрийн буг чөтгөрийг хөөх уламжлалт арга хэрэглэж байгаа нь. 

30. Албан ёсоор сургуульд бүртгүүлж орж чадаагүй цагаачын хүүхэд.

31. Улаан талбайд хүмүүс мандаж буй тугны зургийг авч байгаа нь. 

Канадын загвар өмсөгч Caitin Stickels ховор хромсомын эмгэгтэй бөгөөд энэ нь ихэвчлэн нүүрний гаж нөлөөгөөр илэрдэг байна.

Тэрээр 29 настай хэдий ч гоо сайхнаасаа болоод загварын ертөнцөөс арчигдах дөхсөн аж. Түүнд ”V” сэтгүүлд зураг авхуулах санал ирсэн нь загварын карьераа эхлүүлэх өндөр боломж олджээ.

Ихэнх хүмүүс гэртээ хүүхдээ харж буй эмэгтэйчүүдийг  амарч байна гэж ойлгодог нь эндүүрэл аж. Ээжүүд өдөрт бүтэн ажлын цагийг 2.5 дахин нэмсэнтэй ижил хэмжээний хугацаагаар ажилладаг байна. Америкт хийсэн шинэ судалгааны дүнд дурдсанаар дундаж ээж долоо хоногт 98 цаг ажилладаг нь тогтоогджээ. Хүн долоо хоногт 39 цаг ажилладаг бол ээжүүд түүнээс бараг гурав дахин илүү хөдөлмөрлөдөг байх нь.

Судалгаанд хамрагдсан 2000 ээж 5-12 насны хүүхэдтэй. Тэд ажлын өдөр өглөө 6.23 цагт сэрж оройн 20.31 цаг хүртэл өдрийг завгүй өнгөрүүлдэг гэдгээ дурджээ. Чөлөөт цаг нь хүртэл яг л ажлын цаг шиг завгүй, сандарсан, яарсан байдалтай өнгөрдгийг ч судлаачид олж мэджээ.  Ихэнх ээжүүд “Өдөртөө надад өөртөө зориулах цаг ердөө л 1 цаг 7 минут байдаг” гэж тэмдэглэсэн байв. Ингэхдээ тэд өөрсдийн цаг хугацааны ихэнхийг угаалгын өрөөнд ганцаараа өнгөрөөдөг гэж дурдсан байлаа…

Судалгаанд оролцсон ээжүүдийн 40 хувь нь амьдрал нь хэзээ ч дуусахгүй цуврал шиг л завгүй өнгөрдөг гэж үзсэн бол 70 хувь нь хүүхдүүддээ эрүүл хоол хүнсний хэрэглээ бий болгох нь их дарамттай байдаг талаар ярьсан байна. Иймд та гэртээ хүүхдийг тань өсгөн хүмүүжүүлж, гэр орныг тань үргэлж цэвэр цэмцгэр байлган орой ажлаасаа ядраад ирхэд халуун хоол цайтай угтдаг эхнэртээ хүндэтгэж байгаарай.