Дурладаг
Дурлаад шархалдаг
Шархалсан зүрхэндээ
Ганцаархнаа уйлдаг
Чамайг мэлмэрүүлэхгүйн тулд
Дотроо мэлмэрч
Чадах хэмжээгээрээ
Гунигаас чинь хугасладаг
Нулимсыг минь цаг хугацаа эгшээж
Нулимсыг чинь би энгэртээ шингээдэг
Сэтгэлийг минь хээнцэр охид сатааруулж
Сэтгэлийг чинь би шүлгээрээ засдаг
Хайрладаг
Хайрлаад шаналдаг
Шаналалдаа дийлдэхдээ
Ганцаархнаа ёолдог
Чамайг өвтгөхгүйн тулд
Өөрөөсөө ч харамлаж
Чанд хадгалсан бодлуудаа
Сэтгэлдээ түгждэг
Зовиурыг минь хаврын сарууд эмчилж
Зовлонг чинь би чихэндээ оршуулдаг
Хүслийг минь мөн чанар хазаарлаж
Хүнийх болоход чинь жаргал ерөөдөг
Гомдлыг минь зузаан номууд хуваалцаж
Гол мөрөн шиг өдрүүд урсдаг
Хоногшиж үлдсэн эртний мөрөөдөл
Холын саран шиг илчгүй манддаг
Ганьхарлыг минь амьдралын урт мартагнуулж
Газрын хагархай шиг биднийг салгана
Хагацаж ядсан хуучний догдлол
Хархан үс шиг тэгэсгээд цайна …
Б.МӨНХ-ОРГИЛ
2018.09.20-нд