Бумба овогтой Баасанбадам хуудаснаас
Нумарсан гоё хөмсгөнд чинь
Нугаларч тогтсон давхраанд чинь
Нулимс зохихгүй нүдэнд чинь
Нууцхан сэтгэл дэвэлзээд байна
Галбир гоо биенд чинь
Ганган тогос шиг төрхөнд чинь
Гараар хүрэмгүй булбарайд чинь
Ганцхан хайр минь уусаад байна
Зүрх догдлуулсан инээдэнд чинь
Зүүдэлж жаргамаар үйлдэлд чинь
Зөөлөн намуун ярианд чинь
Зөрүүд хүсэл хоргодоод байна
Урласан юм шиг урууланд чинь
Урсан намирах гэзгэнд чинь
Уулга алдмаар үзэсгэлэнд чинь
Ухаан санаа минь алдраад байна
Бумба овогтой Баасанбадам 2018-09-15нд