Мона Лизагийн учир битүүлэг инээмсэглэл нь бамбай булчирхайн үйл ажиллагаа алдагдсантай холбоотой хэмээн америкийн эрдэмтэд үзэж байна гэж “The Times” сэтгүүлийн сурвалжлагч Жек Малверн бичжээ.
“Бригхемийн клиник, эмэгтэйчүүдийн эмнэлэг”-ийн эмч Мандил Мехра Мона Лизагийн завьж муруйж, хүзүү нь хавагнаж, үс нь урт ургасныг заасан байдаг. Түүний арьс шаравтар өнгөтэй байгаа нь каротины агууламж ихэссэний шинж тэмдэг байж болох талтай гэж тэр таамаглажээ.
“Мона Лизагийн учир битүүлэг байдлыг эмнэлгийн жирийн оношоор тайлж болно, энэ нь бамбай булчирхайн өвчин юм” гэж “Mayo Clinic Proceedings” сэтгүүлд бичсэн байдаг.
Урлагийн түүхэнд Лиза Герардини бол дүрслэлийн хамгийн “эмзэг” объект болов уу гэж өгүүлэл бичигч тэмдэглэжээ. “Леонардог судладаг Кеннет Кил , Мона Лизагийн бамбай булчирхай томорсныг үндэс болгохдоо, түүнийг жирэмсэн байсан хэмээн 1959 онд таамагласан юм. Түүний үүдэн шүднүүд байхгүй гэж бас нэг шүдний эмч 1992 онд хэлсэн байдаг. Мона Лизагийн холестерины хэмжээ их байсан учир түүний нүдний эргэн тойронд өөхний давхаргаа үүссэн бололтой гэсэн дүгнэлтийг нэг эрдэмтэн 2010 онд хийсэн юм” гэж энэхүү өгүүлэлд бичсэн байна. Түүнийг саажилттай байсан, энэ нь түүний нүүрний нэг хэсэгт нөлөөлсөн байж болох юм гэж ч тодорхойлсон байдаг
С.Инда
http://foxnews.mn/9284.html
